Xamenei martın ortalarından ölüb - İDDİA

Britaniyalı siyasi fəal və analitik Nikolas Lisak İranın ali rəhbəri Müctəba Xameneinin səhhəti ilə bağlı yayılan məlumatların həqiqəti əks etdirmədiyini iddia edib.

TodayPress TV xəbər verir ki, Lisak bu barədə  “X” hesabında yazıb. 

O qeyd edib ki, Xamenei ağır vəziyyətdə deyil və onun martın ortalarından etibarən öldüyünü düşünür.

Analitikə görə, hazırda Xameneinin səhhəti ilə bağlı yayılan məlumatlar SEPAH-ın onun ölümünü rəsmən təsdiqləmək və ali rəhbər postuna daha radikal mühafizəkar şəxsi gətirmək planının bir hissəsidir.

Lisak paylaşımının sonunda İran hakimiyyətinin süqut edəcəyini və ölkənin azad olacağını iddia edib.

Qeyd edək ki, Lisakın səsləndirdiyi bu fikirlər onun şəxsi iddiasıdır və Xameneinin martın ortalarından öldüyünü təsdiqləyən heç bir  müstəqil rəsmi məlumat yoxdur.

Jalə Rövşən