İyulun 2-də Yer kürəsini qara bulud bürüyəcək – Saatı belə açıqlandı

Günəşdə baş vermiş X1.1 sinifli güclü alışmadan sonra Yerə doğru hərəkət edən plazma buludunun iyulun 2-si axşam saatlarında güclü maqnit qasırğasına səbəb ola biləcəyi bildirilir.

TodayPress TV xəbər verir ki, bu barədə Rusiya Elmlər Akademiyasının Kosmik Tədqiqatlar İnstitutu və Sibir Bölməsinin Günəş-Yer Fizikası İnstitutunun Günəş Astronomiyası Laboratoriyası məlumat yayıb.

Mütəxəssislərin proqnozuna görə, maqnit qasırğası G3 (güclü) səviyyəsinə çatacaq. Alimlər bildiriblər ki, daha yüksək səviyyəli G4 və ya G5 kateqoriyalı maqnit qasırğaları və radiasiya fırtınaları gözlənilmir.

Məlumata əsasən, Günəş alışması ilə müşayiət olunan plazma buludu iyulun 2-də Moskva vaxtı ilə saat 09:00–00:00 aralığında Yerə çatacaq.

Qeyd olunur ki, gözlənilən maqnit qasırğası cari ilin mart ayından bəri müşahidə ediləcək ən güclü geomaqnit hadisəsi ola bilər.

Qiymət Mahir