ABŞ İranın beş körpüsünü vurdu - Ölən və yaralananlar var
ABŞ ordusu İranın Bəndər Xomeyni şəhərində beş körpüyə zərbə endirib.
TodayPress TV xəbər verir ki, "Fars" xəbər agentliyinin məlumatına görə, hücum nəticəsində bir nəfər həlak olub, doqquz nəfər isə yaralanıb.
Agentlik bir gün əvvəl də ABŞ ordusunun Bəndər Abbas və Lars şəhərlərini birləşdirən körpünü vurduğunu bildirmişdi. Məlumata əsasən, hazırda nəqliyyatın bərpası üçün alternativ marşrutun yaradılması istiqamətində iş aparılır.
Xatırladaq ki, iyunun 17-də ABŞ və İran hərbi əməliyyatların dayandırılması və yeni danışıqlar mərhələsinə başlanması ilə bağlı müvəqqəti anlaşma memorandumu imzalamışdılar. Lakin iyulun 8-də hücumlar yenidən başladıqdan sonra ABŞ Prezidenti Donald Tramp Vaşinqtonla Tehran arasında atəşkəsin artıq qüvvədə olmadığını və İranla danışıqlar aparmaq planının olmadığını açıqlayıb.
Türkan İsgəndərli
