Ukrayna Cenevrədəki danışıqların ilk gününü şərh etdi
“17 fevral Cenevrədə keçirilən danışıqlarda müzakirələr praktiki məsələlər və mümkün həllərin mexanikası üzərində cəmlənib”.
TodayPress TV xəbər verir ki, bunu Ukrayna Milli Təhlükəsizlik və Müdafiə Şurasının katibi Rustam Umerov öz “Telegram” kanalında yazıb.
“Birgə iclasdan sonra sahələr üzrə qruplarda işləməyə davam etdik. Həm siyasi, həm də hərbi bloklar bu gün işlərini başa vurublar”, - deyə Umerov qeyd edib.
O, həmçinin amerikalı tərəfdaşlara konstruktiv əməkdaşlıq və iş rejimində çalışmağa hazır olduqları üçün təşəkkür edib. Umerov bildirib ki, ilk günün nəticələrini Ukrayna lideri Volodimir Zelenskiyə təqdim edəcək və fevral-ın 18-i siyasi, hərbi qruplar işini davam etdirəcək.
Aysel Mətləb
