Livan prezidenti İsrailə atəşkəs təklif etdi
Livan Prezidenti Cozef Aun İsrailə bir aylıq atəşkəs təklif edərək bu müddət ərzində "Hizbullah" silahlı qruplaşmasının tərksilahına nail olacağını bildirib.
TodayPress TV xəbər verir ki, bu barədə "Əş-Şərq əl-Əvsət" qəzeti Beyrutdakı diplomatik mənbələrə istinadən məlumat yayıb.
Məlumata görə, Livan prezidenti sülh təklifini ABŞ-nin Livandakı səfiri Maykl İssa vasitəsilə İsrail tərəfinə çatdırıb.
Aun bildirib ki, atəşkəs Livan ordusunun hökumət tərəfindən təsdiqlənmiş bütün qanunsuz silahlı qrupların tərksilah proqramını başa çatdırması üçün lazımdır. O vurğulayıb ki, belə bir əməliyyatın aktiv hərbi şəraitdə həyata keçirilməsi mümkün deyil.
Türkan İsgəndərli
