Batrakov “Qalatasaray”la razılaşdı, transfer üçün son addım qaldı!

Türkiyənin “Qalatasaray” klubu Moskva “Lokomotiv”inin yarımmüdafiəçisi Aleksey Batrakov üçün rəsmi təklif göndərib.

TodayPress TV xəbər verir ki, bu barədə tanınmış jurnalist Yağız Sabuncuoğlu “X” sosial şəbəkəsində məlumat yayıb.

Bildirilir ki, İstanbul təmsilçisi 21 yaşlı futbolçunun transferi üçün “Lokomotiv”ə 25 milyon avro və əlavə olaraq 3 milyon avro bonus təklif edib. “Qalatasaray” Batrakovla şəxsi müqavilənin şərtlərini də razılaşdırıb.

Hazırda Türkiyə klubu “Lokomotiv”in təklifə cavabını gözləyir.

Qeyd edək ki, “Lokomotiv” akademiyasının yetirməsi olan Batrakov cari mövsümdə klub səviyyəsində 4 oyunda iştirak edib və 1 məhsuldar ötürmə ilə yadda qalıb. “Transfermarkt” portalında futbolçunun bazar dəyəri 28 milyon avro qiymətləndirir.

Namiq HUN

TodayPress TV