Kuba ABŞ ilə dialoqa hazırdır, lakin bir şərtlə...
Vaşinqtonun qeyri-dost mövqeyi səbəbindən ABŞ ilə Kubadakkı vəziyyətlə bağlı aparılan danışıqlarda irəliləyiş əldə olunmayıb.
TodayPress TV xəbər verir ki, bu barədə Kubanın xarici işlər naziri Bruno Rodriqes Parrilya mətbuat konfransında danışıb.
"ABŞ ilə danışıqlarda Amerika nümayəndə heyətinin davranışı səbəbindən irəliləyiş yoxdur. Biz hərbi güc tətbiqi və yeni birtərəfli tədbirlərin görülməsi də daxil olmaqla, davamlı təhdidlər eşidirik", – deyə o bildirib.
Bununla yanaşı, Rodriqes Parrilya Kubanın Vaşinqtonla dialoqa hazır olduğunu, lakin bunun yalnız təzyiqsiz, bərabərhüquqlu əsasda və ölkənin daxili işlərinə müdaxilə olmadan mümkün olduğunu vurğulayıb.
"Biz dialoqa hazırıq, lakin onların, xüsusilə də Dövlət Departamentinin mövqeyini nəzərə alaraq heç bir illüziya bəsləmirik".
Aysel Mətləb
