ABŞ Fransanın Qrenlandiyada təlimlər keçirməsi ideyasını tənqid etdi
ABŞ-nin maliyyə naziri Skott Bessent Fransanın Qrenlandiyada NATO hərbi təlimləri keçirmək təşəbbüsünü kəskin tənqid edib.
TodayPress TV xəbər verir ki, bu barədə “The Guardian” məlumat yayıb.
Məlumata görə, Fransa Prezidenti Emmanuel Makronun administrasiyası Qrenlandiyada NATO çərçivəsində hərbi təlimlərin təşkili niyyətində olduğunu açıqlayıb. ABŞ-nin maliyyə naziri isə bu təşəbbüsə münasibət bildirərək Fransanın büdcə vəziyyətini tənqid edib.
“Əgər prezident Makronun Fransanın büdcəsi bu qədər acınacaqlı vəziyyətdə olduğu halda edə biləcəyi yeganə şey budursa, mən ona fransız xalqı üçün daha vacib məsələlərə diqqət yetirməyi tövsiyə edərdim”, - deyə Skott Bessent bildirib.
Aysel Mətləb
