ABŞ Ermənistana nümayəndə heyəti göndərir
Ermənistanın ABŞ-dəki səfiri Narek Mkrtçyan ABŞ Beynəlxalq Biznes Şurasının (USCIB) Qlobal Təsir Təşəbbüsləri üzrə baş vitse-prezidenti Kristen Kaufman və Ətraf Mühit və Davamlı İnkişaf üzrə baş direktoru Aqnes Vinbladla görüşüb.
TodayPress TV xəbər verir ki, bu barədə səfirlik məlumat yayıb.
Görüşdə Ermənistanın ABŞ-dəki səfiri Narek Mkrtçyan ABŞ Beynəlxalq Biznes Şurasının (USCIB) Qlobal Təsir Təşəbbüsləri üzrə baş vitse-prezidenti Kristen Kaufman iştirak edib.
Görüş zamanı Ermənistan və USCIB arasında, xüsusən də davamlı inkişaf, siyasətin hazırlanması, özəl sektorun iştirakı və beynəlxalq tərəfdaşlığın genişləndirilməsi sahələrində əməkdaşlıq imkanları müzakirə edilib.
Həmçinin, Ermənistanda keçiriləcək BMT-nin Bioloji Müxtəliflik üzrə Konvensiyasının Tərəflərinin 17-ci Konfransında (COP17) USCIB biznes nümayəndə heyətinin iştirakı müzakirə olunub.
Görüş zamanı səfir Mkrtçyan Ermənistan hökuməti tərəfindən həyata keçirilən iqtisadi islahatlar, investisiya mühitinin yaxşılaşdırılmasına yönəlmiş addımlar barədə məlumat verib və beynəlxalq işgüzar dairələrlə əməkdaşlığın dərinləşdirilməsinin vacibliyini vurğulayıb.
