Ferstappenin möhtəşəm ötməsi Montoyanı heyran etdi
“Formula-1”in sabiq pilotu Xuan Pablo Montoya “Red Bull”un dördqat dünya çempionu Maks Ferstappenin Macarıstan Qran-prisində “Ferrari”nin pilotu Lyuis Hemilton üzərində etdiyi ötməni dəyərləndirib.
TodayPress TV “Betpack”a istinadən xəbər verir ki, Montoya niderlandlı pilotun manevrini yüksək qiymətləndirib.
“Ferstappenin ötməsi inanılmaz idi. O, Hemiltonun çox erkən əyləclədiyini başa düşdü və hücuma keçdi. Bu, düşünülməmiş manevr deyildi. Hətta trayektoriyadan geniş çıxmağa da ehtiyacı olmadı. Hemilton açıq şəkildə məğlub edildi. Maksı bəyənirsiniz, ya yox, amma o, sükan arxasında fenomendir”, – deyə Montoya bildirib.
Qeyd edək ki, Montoya daha əvvəl Ferstappenin “Red Bull”dakı gələcəyi ilə bağlı da fikirlərini bölüşüb.
Namiq HUN
