Fabreqas: “Komandam xarakter göstərdi”
Sesk Fabreqas rəhbərlik etdiyi “Komo” klubunun “İnter”ə məğlubiyyətini şərh edib.
TodayPress TV xəbər verir ki, İtaliya A Seriyasının XXXII turunda “Komo” evdə “İnter”ə 3:4 hesabı ilə uduzub.
Fabreqas oyundan sonra bildirib ki, komandası məğlub olsa da, xarakter nümayiş etdirib:
“Turnir cədvəlində neçənci yerdə olduğumuzu bilmirəm – mövsümün əvvəlindən baxmamışam və indi də baxmaq fikrim yoxdur. Komandam bir daha göstərdi ki, cəsarətli və enerjilidir. Məğlub olsaq da, futbolçular xarakter ortaya qoydular.
Bəli, səhvlər etdik, amma bu gənc komandadır və biz hər səhvi cəzalandıran rəqibə qarşı oynayırdıq.
Mən statistikaya baxmağı sevirəm – çox az komanda “İnter”ə qarşı oyunda 20 zərbə vurmağı bacarır. İki il əvvəl kimsə desəydi ki, biz “İnter”lə belə mübarizə aparacağıq, bunu yalnız yoldaşlıq oyunu kimi qəbul edərdim. Amma indi biz onlarla bərabər səviyyədə mübarizə aparırıq”.
Hazırda “Komo” XXXII turdan sonra 58 xalla İtaliya A Seriyası turnir cədvəlində 5-ci pillədə qərarlaşıb.
Namiq HUN
