Türkiyədə səs-küylü keçid - Kante “Fənərbağça”da
N’Qolo Kante “Əl-İttihad”dan “Fənərbağça”ya transfer olunur
“Əl-İttihad” klubunun mərkəz yarımmüdafiəçisi N’Qolo Kante karyerasını Türkiyədə davam etdirəcək.
TodayPress TV xəbər verir ki, bu barədə jurnalist Florian Plettenberq sosial şəbəkə X-də məlumat yayıb.
Bildirilir ki, futbolçu 4 milyon avro qarşılığında “Fənərbağça”ya transfer olunacaq.
Mənbənin məlumatına görə, Kantenin İstanbul təmsilçisi ilə müqaviləsi 2028-ci ilin yayına qədər nəzərdə tutulub. Yaxın günlərdə fransalı futbolçu “Fənərbaxça”da tibbi müayinədən keçməlidir.
Qeyd edək ki, N’Qolo Kante 2023-cü ilin yayında azad agent kimi “Əl-İttihad”a qoşulmuşdu. Cari mövsümdə yarımmüdafiəçi Səudiyyə Ərəbistanı təmsilçisinin heyətində bütün turnirlərdə 26 oyuna çıxıb, 2 qol vurub və 1 məhsuldar ötürmə ilə yadda qalıb. Transfermarkt portalında futbolçunun bazar dəyəri 4,5 milyon avro qiymətləndirilir.
Namiq HUN
