“Qarabağ”ın hədəfi Diuf başqa klubda oynayacaq
"Qarabağ"ın Belçikanın 2-ci liqa təmsilçisi "Lyej" klubundan almaq istədiyi hücumçu başqa kluba keçir.
TodayPress TV xəbər verir ki, “Qarabağ”ın almaq istədiyi seneqallı hücumçu Umar Diuf karyerasını Belçikanın yüksək liqası - Yupiler Pro Liqasında davam etdirəcək.
Məlumata görə, “Saint-Truiden” gənc forvardın transferində “Lyej”lə razılığa gəlib. Hazırda futbolçunun şəxsi müqaviləsinin detalları müzakirə olunur. Diuf özü də Belçikanın yüksək liqasında çıxış etməyə müsbət baxır. Transfer məbləğinin 900 min avro olduğu bildirilir.
Cari mövsümdə Umar Diuf “Lyej”in heyətində 20 oyunda 9 qol vurub və 2 məhsuldar ötürmə edib.
Namiq HUN
