İtaliyada Azərbaycan təmsilçisi: Rzayev reytinq xalları qazandı
Azərbaycan paralimpiyaçısı Polad Rzayev beynəlxalq Pila para-dağ xizəyi turnirində iştirak edib.
Bu barədə TodayPress TV Milli Paralimpiya Komitəsinə istinadən məlumat yayıb.
LW3 kateqoriyasında yarışan idmançımız turnir çərçivəsində iki yürüşdə xizək sürərək nəticələrini göstərib. Rzayev birinci mərhələni 1:28.10, ikinci mərhələni isə 1:46.24 nəticə ilə başa vurub. O, ümumi hesabda 3:14.34 göstərici əldə edərək yarışı 12-ci pillədə tamamlayıb.
Qeyd edək ki, İtaliyada keçirilən Pila turniri 6–15 mart tarixlərində Milan və Kortina şəhərlərində təşkil olunacaq Qış Paralimpiya Oyunları üçün reytinq xallarının toplanması baxımından mühüm əhəmiyyət daşıyır.
Namiq HUN
