Böyük final üçün yeni məkan axtarılır: London, yoxsa Roma?
Futbol üzrə Amerika Kubokunun qalibi Argentina millisi ilə Avro-2024-ün çempionu İspaniya yığması arasında keçiriləcək Finalissima matçının məkanı dəyişdirilə bilər.
TodayPress TV xəbər verir ki, KİV-də yayılan məlumatlara görə, oyuna ev sahibliyi etmək üçün iki əsas namizəd var – Londondakı “Tottenham Hotspur Stadium” və Romadakı “Stadio Olimpico”.
Qarşılaşmanın martın 27-də Lusail Stadiumda keçirilməsi planlaşdırılırdı.
Lakin Yaxın Şərqdə yaranan gərgin vəziyyət səbəbindən yarışın təşkilatçıları bu ideyadan imtina etmək qərarına gəliblər.
Bildirilir ki, matçın yeni məkanı ilə bağlı yekun qərarın yaxın iki gün ərzində verilməsi gözlənilir.
Namiq HUN
