Böyük təmizləmə: “Liverpul”da kütləvi ayrılıq gözlənilir
“Liverpul” klubu yay transfer pəncərəsində ciddi dəyişikliklərə hazırlaşır.
TodayPress TV “The Telegraph” nəşrinə istinadən xəbər verir ki, komandanı doqquza qədər futbolçu tərk edə bilər.
Mövsümün sonunda “qırmızılar” Endi Robertson və Məhəmməd Salah ilə vidalaşacaq.
Bundan əlavə, iyun ayında Kelvin Remsi və Ris Uilyams ilə müqavilələrin müddəti başa çatır.
Baş məşqçi Arne Slot də təsdiqləyib ki, klub yeni transferlər etməzdən əvvəl oyunçu satışları həyata keçirməlidir.
Bu siyahıda Cozef Qomez, Aleksis Makallister, Harvi Elliott, Körtis Cons və Federiko Kyeza kimi oyunçular da yer alır.
Bildirilir ki, bəzi futbolçular gözləntiləri doğrultmayıb, digərləri isə yeni çağırışa ehtiyac duyur. Həmçinin baş məşqçi Arne Slotun gələcəyi də qeyri-müəyyən olaraq qalır.
Namiq HUN
