Alkaras “Australian Open-2026”nın çempionu oldu
Dünyanın bir nömrəli tennisçisi, ispan tennisçi Karlos Alkaras “Australian Open 2026” turnirinin qalibi olub. Final görüşündə o, “Böyük dəbilqə” turnirlərinin 24 qat çempionu serbiyalı Novak Cokoviçi məğlub edib.
TodayPress TV xəbər verir ki, həlledici qarşılaşma Alkarasın xeyrinə 2:6, 6:2, 6:3, 7:5 hesabı ilə başa çatıb. Görüş 3 saat 2 dəqiqə davam edib.
Finalda Alkaras doqquc eys vurub, iki ikiqat səhvə yol verib və 15 breyk-poyntdan dördünü reallaşdırıb. Cokoviç isə dörd eys edib, iki ikiqat səhv buraxıb və altı breyk-poyntdan ikisini istifadə edib.
Bu qələbə Karlos Alkaras üçün karyerasında “Böyük dəbilqə” turnirlərində yeddinci titul olub. O, 22 yaş 272 günündə karyera “Şlem”ini tamamlayan tarixdə ən gənc tennisçi kimi adını tarixə yazdırıb.
