"Latsio" məşqçisini istefaya göndərdi
İtaliyanın "Latsio" klubu baş məşqçi Mauritsio Sarrinin vəzifəsindən ayrıldığını açıqlayıb.
TodayPress TV-nin klubun mətbuat xidmətinə istinadən verdiyi xəbərə görə, tərəflər müqaviləyə qarşılıqlı razılıq əsasında xitam veriblər.
67 yaşlı Sarri 2021-2024-cü illərdə "Latsio"nu çalışdırıb, daha sonra 2024-cü ildə istefa verib və 2025-ci ildə yenidən komandaya qayıdıb. Onun rəhbərliyi altında klub 2025/26 mövsümünü İtaliya çempionatında 9-cu yerdə başa vurub.
Məlumatlara görə, Sarrinin yerinə İtaliya milli komandasının sabiq baş məşqçisi Cennaro Qattuzo gətiriləcək.
Sarri karyerası ərzində "Yuventus" ilə İtaliya çempionluğu qazanıb, "Çelsi" ilə isə UEFA Avropa Liqasının qalibi olub.
