“Mançester Yunayted” Şeşkonu transfer etdi

“Mançester Yunayted” klubu sloveniyalı hücumçu Benyamin Şeşkonun “Leypsiq”dən transfer olunduğunu açıqlayıb. 

TodayPress TV klubun rəsmi saytına istinadən xəbər verir ki,  22 yaşlı futbolçu ilə müqavilə 2030-cu ilin iyun ayına qədər imzalanıb.

“Qırmızı şeytanlar” bu transfer üçün 85 milyon avro ödəyəcək. Bunun 76,5 milyon avrosu sabit məbləğ, 8,5 milyon avrosu isə bonus şəklində olacaq.

Qeyd edək ki, Şeşko 2023-cü ilin yayından “Leypsiq”də çıxış edirdi. Ötən mövsüm o, bütün turnirlərdə 45 oyuna çıxaraq 21 qol vurub və 6 məhsuldar ötürmə verib. “Transfermarkt” portalında futbolçunun bazar dəyəri 70 milyon avrodur.

Namiq HUN