Makintoş 5 gün ərzində 3-cü dünya rekordunu yenilədi

Üzgüçülük üzrə kanadalı üçqat Olimpiya çempionu Sammer Makintoş ölkə çempionatında daha bir möhtəşəm nəticəyə imza atıb. 

TodayPress TV xəbər verir ki, o, 400 metr məsafəyə kompleks üsulla üzməkdə dünya rekordunu yeniləyib. 

Yeni rekord göstəricisi - 4 dəqiqə 23,65 saniyə olub. İdmançının özünə məxsus əvvəlki nəticəni (4:24,38) geridə qoyub.

Nəticədə Sammer Makintoş son 5 gün ərzində Kanada çempionatında üçüncü dünya rekordu müəyyən edib. O, daha əvvəl 400 metr məsafəyə sərbəst üsulla üzməkdə və 200 metrəyə kompleks üzmədə dünya rekordlarını yeniləyib.

18 yaşlı üzgüçü dünya səviyyəsində üstünlüyünü bir daha təsdiqləyərək, Paris Olimpiadasından sonra da formada olduğunu sübut edib.

Namiq HUN