Klub rəsmisi: Kaşuka təklif yoxdur
“Qarabağ” klubu yarımmüdafiəçi Aleksey Kaşukla bağlı yayılan transfer iddialarına münasibət bildirib.
TodayPress TV AZƏRTAC-a istinadən xəbər verir ki, bu barədə Ağdam təmsilçisinin İdarə Heyətinin üzvü Asif Əsgərov açıqlama verib.
“Ukraynanın heç bir klubundan Kaşuk üçün rəsmi transfer təklifi almamışıq”, – deyə klub rəsmisi bildirib.
Qeyd edək ki, Aleksey Kaşuk 2024-cü ildən “Qarabağ”ın formasını geyinir. O, bu müddət ərzində Azərbaycan çempionatında 67 oyunda meydana çıxaraq 11 qol vurub və 10 məhsuldar ötürmə edib.
Cari mövsümdə UEFA Çempionlar Liqası çərçivəsində yalnız bir matçda iştirak edən ukraynalı yarımmüdafiəçi 1 qolla yadda qalıb.
Namiq HUN
