“Real” ulduzunu buraxmadı: Bellinqemin gedişinə veto
Madridin “Real” klubunun yarımmüdafiəçisi Cud Bellinqem bu yay komandanı tərk etməyə yaxın olub.
TodayPress TV jurnalist Pepe Alvaresə istinadən xəbər verir ki, ötən mövsümün sonunda futbolçunun atası Mark Bellinqem klub rəhbərliyi ilə oğlunun mümkün ayrılığı barədə danışıqlar aparıb.
İddialara əsasən, bu müzakirələrə səbəb bəzi idman məsələləri ilə bağlı fikir ayrılıqları olub. Lakin “Real” rəhbərliyi Bellinqemin satışının gündəmdə olmadığını qəti şəkildə qarşı tərəfə çatdırıb.
Qeyd edək ki, Cud Bellinqem 2023-cü ildə Dortmund “Borussiya”sından 127 milyon avro qarşılığında “kral klubu”na transfer olunub. Onun “Real”la müqaviləsi 2029-cu ilin iyun ayınadək qüvvədədir. Yarımmüdafiəçi indiyədək “Real”ın heyətində bütün turnirlərdə 140 oyuna çıxıb, 46 qol vurub və 33 məhsuldar ötürmə edib.
Namiq HUN
