Çin kosmik zibilləri məhv etmək üçün yeni qurğu hazırladı

Çinli mühəndislər kosmik zibilləri tutub məhv etmək üçün xüsusi buraxılış qurğusu hazırlayıblar.

TodayPress TV xəbər verir ki, bu barədə "South China Morning Post" məlumat yayıb

İxtira Nankin, Şanxay və Şenyandan olan aerokosmik mütəxəssislər tərəfindən yaradılıb. Qurğu barıt mühərrikinə əsaslanır və torlu kapsul vasitəsilə kosmik zibilləri tutur. Daha sonra həmin zibillər atmosferə daxil olaraq yanır.

Mühəndislər izah ediblər ki, qurğu atəş açdıqda kiçik bir yük alovlanır və qaz pistonu vasitəsilə kapsul 35 dərəcə bucaq altında buraxılır. Bu bucaq vibrasiyanı və zərbəni azaldaraq buraxılış qurğusunun trayektoriyasına təsir etmir.

Alimlər qurğunun barıt mühərrikinə əsaslandığını bildiriblər. Onlar həmçinin bu qurğunun analoqlarından daha ucuz və praktik olduğunu qeyd ediblər.

Türkan İsgəndərli