Bankların əhali qarşısında öhdəlikləri artdı
Bu ilin birinci yarısında bankların öhdəliklərinin strukturunda depozit portfeli üstünlük təşkil edib.
Bu barədə Mərkəzi Bankdan TodayPress TV-yə verilən məlumata görə, bankların cəmi öhdəliklərinin 75%-i və ya 37 milyard 353 milyon manatı depozitlərdir.
Qeyd edək ki, may ayı ilə müqayisədə bankların əhali qarşısında öhdəlikləri 1,7% artıb.
Depozit portfelinin 59.7%-i hüquqi şəxslərin, 40.3%-i fiziki şəxslərin depozitlərindən (fərdi sahibkarlıqla məşğul olan fiziki şəxslərin depozitləri istisna olmaqla) ibarətdir.
