Tramp: “İranla heç bir danışıqlar aparmıram”

ABŞ prezidenti Donald Tramp bildirib ki, Vaşinqton İranla hazırda heç bir danışıqlar aparmır və ona nüvə sazişi ilə bağlı heç bir təklif təqdim etməyib. 

TodayPress TV xəbər verir ki, bu barədə o, "Truth Social" sosial şəbəkəsində paylaşım edib.

“Mən İrana heç nə təklif etmirəm və onlarla danışıqlar belə aparmıram, çünki biz onların nüvə obyektlərini tamamilə məhv etmişik!”, – Tramp yazıb.

O, eyni zamanda keçmiş prezident Barak Obamanı 2015-ci ildə imzalanan və JCPOA kimi tanınan nüvə sazişi çərçivəsində İrana “milyardlarla dollar ödəməkdə” ittiham edib və bu razılaşmanı “axmaq saziş” adlandırıb.

Türkan İsgəndərli