SEPAH-dan Hörmüzdə yeni nizam: Təhlükəsiz keçid üçün 150 min dollar
İranın Hörmüz boğazı üzərində nəzarəti daha da gücləndirdiyi bildirilir.
TodayPress TV xəbər verir ki, bu barədə "Reuters" məlumat yayıb.
Tehran hərbi nəzarət-keçid məntəqələri, gəmilərin yoxlanılması, diplomatik razılaşmalar və bəzi hallarda təhlükəsiz keçid üçün ödəniş mexanizmləri vasitəsilə boğazdakı nəzarəti artırıb.
Məlumata əsasən, yeni çoxsəviyyəli tranzit sistemində SEPAH əsas rol oynayır və Çin və Rusiya ilə əlaqəli gəmilərə üstünlük verilir. Bildirilir ki, hökumətlərarası razılaşmalara daxil olmayan bəzi gəmilər Hörmüz boğazından təhlükəsiz keçid üçün İran tərəfinə 150 min ABŞ dollarından çox vəsait ödəyir.
Agentliyin məlumatına görə, təhlükəsizlik və naviqasiya rüsumları daşınan yükdən asılı olaraq dəyişir. İran rəsmiləri isə qeyd edib ki, bu ödənişlər bütün ölkələrə şamil edilmir.
