Orban seçki kampaniyasını Vespremdə davam etdirir
Macarıstanın Baş naziri Viktor Orban ölkə üzrə səfəri çərçivəsində Vespremdə seçicilərlə görüş keçirib və qarşıdan gələn 2026-cı il parlament seçkiləri ilə bağlı mesajlar verib.
TodayPress TV xəbər verir ki, Baş nazir çıxışında dünyanın yeni böhranlarla üz-üzə qaldığını və bu şəraitdə ölkənin sabit rəhbərliyə ehtiyacı olduğunu bildirib.
O, həmçinin müxalif qüvvələri tənqid edərək onların siyasətini Ukrayna ilə əlaqələndirib və təhlükəsizlik məsələlərini ön plana çıxarıb.
Orban vurğulayıb ki, hökumət ailə dəstəyi proqramlarını və pensiya siyasətini davam etdirəcək. Onun sözlərinə görə, sosial tədbirlər ölkənin gələcək inkişafı üçün əsas prioritetlərdən biridir.
Səfər çərçivəsində digər hökumət rəsmiləri də çıxış edərək regionun qorunmasının vacibliyini qeyd ediblər.
Kampaniya tədbiri aprelin 12-də keçiriləcək parlament seçkiləri ərəfəsində baş tutur.
Qeyd edək ki, Baş nazir mart ayı ərzində ölkənin bir neçə şəhərində analoji görüşlər keçirərək seçicilərlə birbaşa təmas qurub.
