Qəzzada səhiyyənin bərpası azı 7 milyard dollara başa gələcək
Ümumdünya Səhiyyə Təşkilatının (ÜST) baş direktoru Tedros Adhanom Qebreyesus bildirib ki, Qəzza zolağında dağıdılmış səhiyyə sisteminin bərpası üçün ən azı 7 milyard ABŞ dolları tələb olunur.
TodayPress TV xəbər verir ki, ÜST rəhbəri bu barədə Cenevrədə keçirilən brifinqdə danışıb.
Qebreyesus qeyd edib ki, təşkilat indiyə qədər 41 xəstənin və 145 müşayiətçinin digər ölkələrə təxliyəsini həyata keçirib. Lakin Qəzzada hələ də 15 min xəstə, o cümlədən 4 min uşaq xaricdə müalicəyə ehtiyac duyur. O əlavə edib ki, 700-dən çox insan təxliyə olunmadan həyatını itirib.
Aynur TAC
