Moskvaya dron hücumu: Ölənlər var - VİDEO
Avqustun 4-ü səhər saatlarında dronlar Rusiyanın Moskva vilayətinə hücum edib. Çexov bələdiyyə rayonuna ciddi ziyan dəyib.
TodayPress TV xəbər verir ki, Moskva vilayətinin qubernatoru Andrey Vorobyovun məlumatına görə, Novosyolki sənaye zonasında dron hücumu nəticəsində bir neçə yanğın baş verib.
Ən böyük yanğın anbarda qeydə alınıb və sonradan söndürülüb. Hücum nəticəsində elektrik yarımstansiyası və inzibati binaya da ziyan dəyib.
İlkin məlumata əsasən, hadisə nəticəsində 5 nəfər həlak olub, 6 nəfər isə yaralanıb. Yaralılara tibbi yardım göstərilir.
Vorobyov bildirib ki, hava hücumundan müdafiə qüvvələri dron hücumlarını dəf etməyə davam edir. Onun sözlərinə görə, Moskva vilayətinin Volokolamsk, Klin, Çexov və Serebryano-Prudski rayonları üzərində pilotsuz uçuş aparatları müşahidə olunub.
Türkan İsgəndərli
