Gənc İT mütəxəssisi həddindən artıq işləməkdən vəfat etdi
Çində 32 yaşlı proqramçı Qao Quanqhuy evdə iş tapşırıqlarını yerinə yetirərkən həddindən artıq yükləndiyi üçün vəfat edib.
TodayPress TV "Mothership"ə istinadən xəbər verir ki, o, qəfildən xəstələnib və huşunu itirib.
Proqramçının ailəsi onu təcili xəstəxanaya çatdırsalar da, xilas etmək mümkün olmayıb. Çin mediasının məlumatına görə, ölümün səbəbi ürək tutması olub.
Faciədən bir müddət əvvəl Qao şöbə müdiri vəzifəsinə yüksəlmişdi və mütəmadi olaraq əlavə iş saatları ilə işləyirdi.
Qao-nun həyat yoldaşı sosial mediada ərindən evə qayıtmasını istədiyi bir mesajı paylaşaraq, onun ölümündən sonra bir daha işdən qayıtmaq barədə danışdığını eşitməyəcəyini yazıb.
Qadının sözlərinə görə, ərinin vəziyyəti ağır olmasına baxmayaraq, o, iş məsələləri ilə məşğul olmaq üçün yeni tapşırıqlara əlavə edilirdi.
Ölümündən səkkiz saat sonra isə bir həmkarı ona işinin təcili olduğunu xatırladan mesaj göndərib.
Ailə ölümün əsas səbəbini həddindən artıq iş yükü hesab edir və təzminat tələbi ilə müraciət edib. Həmçinin ərinin şəxsi əşyaları lazımi şəkildə qablaşdırılmadan ona çatdırılıb, bəziləri isə atılıb; şirkət iddialara cavab verməyib.
Hazırda hadisənin baş vermə səbəbləri və iş vaxtından artıq işləmə iddiaları ilə bağlı araşdırma aparılır.
Jalə Rövşən
