ABŞ 500 ton ərzaq yardımını məhv edəcək

ABŞ prezidenti Donald Trampın administrasiyası təxminən 500 ton təcili ərzaq yardımının məhv edilməsi barədə göstəriş verib.

TodayPress TV xəbər verir ki, bu barədə "The Atlantic" məlumat yayıb.

Bu məhsullar ABŞ Beynəlxalq İnkişaf Agentliyi (USAID) tərəfindən fövqəladə hallarda, əsasən Əfqanıstan və Pakistandakı uşaqlar üçün alınan yüksək kalorili peçenyelər olub. Məhsulların son istifadə tarixi iyulun 15-i idi.

Qeyd edilir ki, bu ərzaq 1,5 milyon uşağa bir həftəlik qida dəstəyi verə bilərdi. Agentlik əməkdaşları dəfələrlə məhsulların ehtiyacı olanlara göndərilməsini tələb etsələr də, bu barədə heç bir qərar verilməyib.

Türkan İsgəndərli