Çeçenistanda fövqəladə vəziyyət rejimi elan edildi
Rusiya Federasiyasının Çeçenistan Respublikası ərazisində əlverişsiz hava şəraitinə görə fövqəladə hal rejimi tətbiq edilib.
TodayPress TV xəbər verir ki, bu barədə respublika rəhbəri Ramzan Kadırov sərəncam imzalayıb.
Məlumata görə, aramsız leysan yağışları və çaylarda suyun səviyyəsinin qalxması nəticəsində Çeçenistanın 18 yaşayış məntəqəsi ərazisində 1,8 mindən çox ev və həyətyanı sahə su altında qalıb. 500 nəfər təxliyə edilib.
Fəsadların aradan qaldırılmasına ümumilikdə 2 mindən çox insan və 668 ədəd texnika cəlb olunub.
