İran sərhədində silah-sursat ələ keçirildi
İran sərhəd polisi Əfqanıstanla sərhəd yaxınlığında, Xorasan Rəzəvi əyalətinin şimal-şərqində hərbi silah və sursat partiyasını ələ keçirib.
TodayPress TV xəbər verir ki, bu barədə “Mehr” agentliyi məlumat yayıb.
Briqada generalı Məcid Şoca bildirib ki, müsadirə sərhəd bölgəsində təhlükəsizliyin təmin edilməsi və ölkəyə silah qaçaqmalçılığının qarşısının alınması üzrə davam edən səylərin bir hissəsi kimi həyata keçirilib.
“Qanunsuz sərhəd keçidlərinin qarşısını almaq və silah qaçaqmalçıları ilə qətiyyətlə mübarizə aparmaq səylərinin bir hissəsi olaraq, “Teybad” alayının sərhədçiləri qaçaqmal silah və sursat partiyasını uğurla ələ keçiriblər”, - deyə Şoca məlumat verib.
Aysel Mətləb
