Bir dövr başa çatdı: Stasionar telefon xidməti tam dayandırıldı
Finlandiyada stasionar telefon xidməti tamamilə dayandırılıb.
TodayPress TV xəbər verir ki, "Yle"nin məlumatına görə, ölkənin ən böyük telekommunikasiya operatoru "Elisa" iyulun 1-dən etibarən stasionar telefon xidmətini dayandırıb.
Bununla da Finlandiyada bu xidməti göstərən əsas operator qalmayıb.
Bundan əvvəl "Telia" 2019-cu ildə sabit telefon şəbəkəsindən imtina etmiş, DNA isə 2026-cı ilin əvvəlində son stasionar telefon abonentlərinə xidmət göstərməyi dayandırıb.
Şirkətin açıqlamasına əsasən, bu ilin əvvəlinə qədər "Elisa"nın fərdi və korporativ müştəriləri arasında cəmi bir neçə min aktiv stasionar telefon xətti qalmışdı. Operator uzun illərdir bu xidmət üzrə yeni müqavilələr də bağlamırdı.
Bildirilir ki, Finlandiyada stasionar telefon xətləri son dövrlərdə əsasən ev telefonları, faks aparatları və lift domofonları üçün istifadə olunurdu.
Qeyd edək ki, bəzi ölkələrdə stasionar telefonlardan istifadə azalsa da, Rusiyada bu cihazlara tələbatın 2026-cı ilin ikinci yarısında 10-15 faiz arta biləcəyi proqnozlaşdırılır.
Türkan İsgəndərli
