Bayraktarın Bakı ofisi - Böyük müzakirə doğurdu
"Baykar" şirkətinin texnologiya rəhbəri Selçuk Bayraktar Bakıda və Sumqayıtda yerləşən “Bayraktar Teknoloji Azərbaycan” müəssisələrini ziyarət edib.
TodayPress TV xəbər verir ki, ziyarətdə Türkiyənin Azərbaycandakı səfiri Birol Akgün və Azərbaycan Müdafiə Nazirinin müavini Aqil Qurbanov da iştirak edib.
"Ölkələrimizin müstəqilliyi, ortaq gələcəyi və qardaşlığı naminə çalışan mühəndis və texniki heyətdəki qardaşlarımızı ürəkdən təbrik edir, onların zəhməti və fədakarlığına görə təşəkkürümü bildirirəm", - deyə Selçuk Bayraktar bildirib.
Post Azərbaycan və Türkiyə ictimaiyyətində böyük müzakirə doğurub. Bir çoxları bunu iki ölkə arasında hərbi-texniki əməkdaşlığın yeni uğuru kimi qiymətləndirir, “bir millət, iki dövlət” prinsipinin praktikada tətbiqi hesab edir. Digərləri isə yerli istehsalın inkişafı, texnologiya transferi və strateji əhəmiyyətini vurğulayır.
Bayraktar şirkəti Azərbaycanda PUA-ların (o cümlədən TB2 və Akıncı) yığılması, təmiri və yeni texnologiyaların inkişafı istiqamətində iş aparır. Bu, ölkəmizin müdafiə qabiliyyətinin gücləndirilməsi baxımından mühüm addımdır.
Türkan İsgəndərli
