Azərbaycan nümayəndə heyəti NATO PA-nın 71-ci illik sessiyasında iştirak edəcək
Milli Məclisin Xarici müdaxilələrə və hibrid təhdidlərə qarşı müvəqqəti komissiyasının sədri, NATO Parlament Assambleyasında nümayəndə heyətinin rəhbəri Ramid Namazovun rəhbərliyi ilə deputat heyəti oktyabrın 9-da Sloveniyanın Lyublyana şəhərinə səfər edəcək.
TodayPress TV xəbər verir ki, nümayəndə heyətinə deputatlar Tahir Mirkişili, Kamran Bayramov, Könül Nurullayeva və Samir Vəliyev daxildir.
Onlar Lyublyanada keçiriləcək NATO Parlament Assambleyasının 71-ci illik sessiyasında iştirak edəcəklər.
Qeyd edək ki, NATO PA üzv ölkələrin parlament üzvlərinin bir araya gəldiyi mühüm platformadır və Azərbaycanın burada iştirakı ölkəmizin beynəlxalq təhlükəsizlik məsələlərinə verdiyi önəmin göstəricisidir.
