Səudiyyə Ərəbistanı İraq səfirinə etirazını bildirdi
Səudiyyə Ərəbistanı Xarici İşlər Nazirliyi İraqın krallıqdakı səfiri Safia Taleb əl-Suheylini çağıraraq etirazını bildirib.
TodayPress TV xəbər verir ki, bu barədə nazirlik məlumat yayıb.
Buna səbəb səfirin Səudiyyə Ərəbistanı və digər Körfəz ölkələrini İraq ərazisindən atəşə tutmaqda ittiham etməsi olub.
Nazirliyin yaydığı məlumata görə, görüş zamanı siyasi məsələlər üzrə nazir müavini Səud əl-Sati İraq hakimiyyətinin bu cür təhdid və hücumlara qarşı məsuliyyətli mövqe sərgiləməsinin vacibliyini vurğulayıb.
Bundan əvvəl, aprelin 8-də ABŞ və İran arasında iki həftəlik atəşkəs razılaşdırılıb. Razılaşmaya əsasən, Tehran Hörmüz boğazını gəmiçilik üçün açmağa razılıq verib.
Qeyd edək ki, fevralın 28-də ABŞ və İsrail İrana qarşı hərbi əməliyyatlara başlayıb. Buna cavab olaraq Tehran İsrailə, eləcə də Səudiyyə Ərəbistanı, Bəhreyn, Qətər, Küveyt və Birləşmiş Ərəb Əmirlikləri ərazisində yerləşən ABŞ bazalarına raket və pilotsuz uçuş aparatları ilə zərbələr endirib.
Həmçinin, İranın bir müddət dünya neft daşımalarının mühüm hissəsinin keçdiyi Hörmüz boğazını bağladığı və Körfəz ölkələrində neft infrastrukturuna hücumlar etdiyi barədə məlumatlar yayılıb.
Türkan İsgəndərli
