Qəzzaya havadan 161 paket ərzaq atıldı

İsrail ordusunun məlumatına görə, bazar günü Qəzza zolağına havadan ümumilikdə 161 ərzaq paketi atılıb. Əməliyyat doqquz ölkənin iştirakı ilə həyata keçirilib. Müharibənin demək olar ki, iki ildir davam etməsi fonunda bölgədə aclıq sürətlə yayılmaqdadır.

TodayPress TV xəbər verir ki, əməliyyata İordaniya, Birləşmiş Ərəb Əmirlikləri, Almaniya, Belçika, Fransa, İtaliya, Niderland, Danimarka və İndoneziya qoşulub.

İordaniya Silahlı Qüvvələrinin açıqlamasına görə, əməliyyat çərçivəsində təxminən 106 ton ərzaq və yardım ləvazimatı endirilib.

Qiymət Mahir