Qərbi Nil virusu kütləviləşir: 23 yeni yoluxma faktı üzə çıxdı
Yunanıstanda son bir həftə ərzində Qərbi Nil virusuna 23 yeni yerli yoluxma halı qeydə alınıb ki, bu da cari ötürülmə mövsümündə yoluxmaların kəskin artmasından xəbər verir.
TodayPress TV xəbər verir ki, bu barədə Yunanıstanın rəsmi "AMNA" agentliyi məlumat yayıb.
Milli İctimai Səhiyyə Təşkilatının dərc etdiyi son həftəlik epidemioloji nəzarət hesabatına əsasən, Yunanıstanda may ayından bəri Qərbi Nil virusuna 65 yerli yoluxma faktı qeydə alınıb.
Yoluxanlardan 54 xəstədə ensefalit, meningit və kəskin süst iflic də daxil olmaqla mərkəzi sinir sistemi fəsadları inkişaf edib.
İndiyədək virusla bağlı altı ölüm faktı qeydə alınıb. Vəfat edənlərin hamısı 65 yaşdan yuxarı şəxslər olub.
Aysel Mətləb
