Putin mübahisəli Kuril adasına getdi: Yaponiya ilə gərginlik yenidən gündəmdə
Rusiya Prezidenti Vladimir Putin Kuril adalarının mübahisəli ərazilərindən biri olan İturup adasına səfər edib.
TodayPress TV xəbər verir ki, TASS-ın məlumatına görə, bu, Putinin Kuril adalarına ilk şəxsi səfəridir.
Rusiya lideri adada balıq emalı zavoduna baş çəkib və Rusiya Sakit Okean Donanmasının flaqman gəmisinə baxış keçirib.
Kuril adaları uzun illərdir Rusiya ilə Yaponiya arasında ərazi mübahisəsinin əsas mövzularından biridir. Tokio arxipelaqın cənubundakı İturup, Kunaşir, Şikotan və Habomai adalarını öz ərazisi hesab edir və onları “Şimal əraziləri” adlandırır.
Adalar İkinci Dünya müharibəsindən sonra Rusiyanın nəzarətindədir. Bu ərazi mübahisəsi Moskva ilə Tokio arasında sülh müqaviləsinin imzalanmasına əsas maneələrdən biri olaraq qalır.
Putinin İturupa səfəri fonunda bölgədəki ərazi mübahisəsi yenidən diqqət mərkəzinə düşüb.
Türkan İsgəndərli
