Oman dənizində gərginlik: SEPAH ABŞ və İsrail gəmisini RAKETLƏ VURDU
İslam İnqilabı Keşikçiləri Korpusunun (SEPAH) Hərbi Dəniz Qüvvələri ABŞ-nin hücumlarına cavab tədbirləri çərçivəsində ABŞ və İsrailə məxsus "MSC Sariska" adlı gəmiyə qanadlı raketlə zərbə endirdiyini bəyan edib.
TodayPress TV bu barədə İranın Dövlət Teleradio Şirkətinə istinadən xəbər verir.
"ABŞ ordusunun Oman dənizi bölgəsində İrana məxsus "Lian Star" gəmisinə qarşı təcavüzkar hücumunun ardınca İslam İnqilabı Keşikçiləri Korpusunun Hərbi Dəniz Qüvvələri cavab əməliyyatı çərçivəsində düşmən ABŞ-İsrailə məxsus "MSC Sariska" gəmisinə qanadlı raketlə zərbə endirib", - deyə SEPAH-ın bəyanatında bildirilir.
Mayın 30-da ABŞ Silahlı Qüvvələrinin Mərkəzi Komandanlığı bəyan etmişdi ki, ABŞ silahlı qüvvələri İran limanına doğru hərəkət edən "Lian Star" quru yük gəmisinə "Hellfire" raketi ilə zərbə endirib.
