İsrailin Livana hücumları nəticəsində ölənlərin sayı 2300-ə çatdı
İsrailin martın 2-dən bəri Livana endirdiyi zərbələr azı 2294 nəfərin ölməsi ilə nəticələnib.
TodayPress TV xəbər verir ki, bu barədə İsraillə müharibədə atəşkəsin ilk günündə Livanın Səhiyyə Nazirliyindən bildirilib.
İlkin məlumatlara görə, İsrailin zərbələri nəticəsində, 274 qadın, 177 uşaq, eləcə də 100 tibb işçisi və xilasedici ölüb.
"Qurbanların yekun sayı dağıntılar təmizləndikdən, ölənlərin cəsəd qalıqları tapıldıqdan, DNT testləri aparıldıqdan və şəxsiyyətlər müəyyən edildikdən sonra hesablanacaq", - deyə nazirlik vurğulayıb.
Xatırladaq ki, ABŞ Prezidenti Donald Tramp aprelin 16-da bildirib ki, İsrail və Livan Şərq vaxtı ilə saat 17:00-dan (Bakı vaxtı ilə 17 aprel saat 01:00) etibarən 10 günlük atəşkəs rejiminin tətbiq edilməsi barədə razılığa gəliblər.
