İndoneziya və Yeni Zelandiya memorandum imzaladılar

İndoneziyanın kənd təsərrüfatı naziri Andi Amran Süleyman və Yeni Zelandiyanın kənd təsərrüfatı, meşəçilik, ticarət və investisiya naziri Todd MakKlay kənd təsərrüfatı mallarının ikitərəfli ticarətini gücləndirmək üçün anlaşma memorandumu imzalayıblar. 

TodayPress TV xəbər verir ki, bu barədə “Xinhua” məlumat yayıb. 

“Çətinliklərlə dolu olan hazırkı qlobal ticarət vəziyyəti fonunda bu əməkdaşlıq çox strateji əhəmiyyət kəsb edir”, - deyə Süleyman bildirib. 

Nazir əlavə edib ki, İndoneziya cənub qonşusuna xam palma yağı, kauçuk, kakao və qəhvə də daxil olmaqla əsas ixrac malları təklif edib. Bu tərəfdaşlığın getdikcə daha mürəkkəb və qeyri-müəyyən olan qlobal ticarət və iqtisadi şərtlər fonunda irəliyə doğru qarşılıqlı faydalı bir addım olduğunu vurğulayıb. 

Bu arada MakKlay qeyd edib ki, əməkdaşlığın hər iki ölkədə istehsalı artırmaq və ərzaq təhlükəsizliyini gücləndirmək məqsədi daşıyan kənd təsərrüfatı texnologiyaları və innovasiyaların mübadiləsini də əhatə etmək üçün genişləndirilib. 

Aysel Mətləb