Fransada avtomobil izdihama çırpıldı: 27 nəfər yaralandı
Fransanın Qvadelupa əyalətinin Saint-Anne şəhərində Milad şənliyi faciə ilə nəticələnib.
TodayPress TV xəbər verir ki, dekabrın 5-i axşam bələdiyyə binası ilə kilsənin qarşısındakı Şölçer meydanında avtomobil qəfil yoldan çıxaraq bazar dükanlarının yaxınlığında toplaşmış insanlara çırpılıb.
Hadisə nəticəsində 27 nəfər xəsarət alıb.
Sürücünün sərxoş vəziyyətdə olduğu ehtimal edilir və o, dərhal polis tərəfindən saxlanılıb.
Yaralananların hamısı xəstəxanaya çatdırılıb. Zərərçəkənlər arasında 7 uşaq, 1 yeniyetmə və 19 nəfər yetkin var.
Türkan İsgəndərli
