BƏƏ və İran XİN rəhbərləri regional gərginliyi müzakirə etdilər
BƏƏ-nin xarici işlər naziri Abdulla bin Zayed Al Nəhyan iranlı həmkarı Abbas Əraqçi ilə telefon danışığı aparıb, regiondakı son hadisələri müzakirə ediblər.
TodayPress TV xəbər verir ki, bu barədə BƏƏ-nin rəsmi xəbər agentliyi "WAM" məlumat yayıb.
Bildirilib ki, danışıq zamanı Al Nəhyan regionda hərbi əməliyyatların dayandırılması da daxil olmaqla, anlaşma memorandumunun şərtlərinə tam əməl olunmasının vacibliyini vurğulayıb.
"Dövlətlərin suverenliyinə və mehriban qonşuluq prinsiplərinə hörmət, beynəlxalq hüquqa ciddi riayət olunması, dəniz marşrutlarının və beynəlxalq gəmiçilik azadlığının qorunması, o cümlədən Hörmüz boğazında gəmilərin rəvan hərəkətinin təmin edilməsi vacibdir", - deyə nəşr nazirin sözlərindən sitat gətirib.
O, həmçinin qeyd edib ki, ciddi diplomatiya və məsuliyyətli dialoq bütün regional və beynəlxalq böhranların həlli üçün ən yaxşı yoldur.
Aysel Mətləb
