“Red Bull” üçün risk: mühərrik proqramdan kənar qala bilər
“Red Bull Powertrains” mühərrikinin mövsüm ərzində təkmilləşdirməyə imkan verən ADUO proqramında iştirak şərtlərinə uyğun gəlməyə biləcəyi bildirilir.
TodayPress TV xəbər verir ki, bu barədə “Motorsport” portalının İtaliya redaksiyası məlumat yayıb.
Qərarın Mayami Qran-prisindən sonra qəbul olunacağı qeyd olunur. Həmin vaxt FIA mühərrik güclərinə görə reytinq tərtib edəcək və bu siyahı əsasında hansı istehsalçıların proqramda iştirak edə biləcəyi müəyyənləşdiriləcək. ADUO proqramının iştirakçıları ilə bağlı yekun aydınlıq isə Monako mərhələsinə yaxın olacaq.
Məlumata görə, əsas meyar kimi “Mercedes”in göstəriciləri götürülür. Bu komandanın mühərrikinin təxminən 550–560 at gücü verdiyi bildirilir. Proqrama daxil olmaq üçün geridə qalma ən azı 2 faiz olmalıdır.
Gözlənilir ki, “Ferrari”, “Audi” və “Honda” ADUO proqramında iştirak edə biləcək. “Red Bull Powertrains” ilə bağlı vəziyyət isə qeyri-müəyyən olaraq qalır. Avstriya komandasının mühərriki gözləniləndən daha rəqabətədavamlı olub və bu da onların proqramdan kənarda qalmasına səbəb ola bilər.
Namiq HUN
