“Napoli” ulduz futbolçusunu itirdi
“Qarabağ” klubunun UEFA Çempionlar Liqasının Liqa mərhələsindəki rəqibi olan “Napoli” komandasının yarımmüdafiəçisi Kevin De Bruyne təxminən 4 ay müddətinə yaşıl meydanlardan kənarda qalacaq.
TodayPress TV “Sky Sport”a istinadən xəbər verir ki, belçikalı futbolçunun sağ bud nahiyəsində yırtıq aşkarlanıb.
Konservativ müalicə uğurlu alınmasa, yarımmüdafiəçinin əməliyyat olunacağı bildirilib.
Bu səbəbdən De Bruyne Liqa mərhələsinin noyabrın 26-da baş tutacaq V tur matçında Neapolda “Qarabağ”a qarşı oyunda komandasına kömək edə bilməyəcək.
Xatırladaq ki, Kevin De Bruyne A Seriyasının VIII turunda “İnter”lə (3:1) matçda zədələnib və meydanı vaxtından əvvəl tərk edib.
Namiq HUN
