Cəmil Həsənli növbəti dəfə DTX-yə çağırıldı
Prezident Administrasiyasının sabiq rəhbəri Ramiz Mehdiyevlə bağlı Dövlət Təhlükəsizliyi Xidmətində (DTX) davam edən cinayət işi üzrə Milli Şuranın sədri, sabiq deputat Cəmil Həsənli növbəti dəfə DTX-yə çağırılıb.
TodayPress TV xəbər verir ki, bu barədə Cəmil Həsənli sosial şəbəkədə özü məlumat yayıb.
Onun DTX-də şahid qismində dindiriləcəyi bildirilir.
Qeyd edək ki, Cəmil Həsənli noyabrın 30-da DTX-də şahid qismində ifadə verib.
Xatırladaq ki, Prezident Administrasiyasının sabiq rəhbəri Ramiz Mehdiyev Cinayət Məcəlləsinin 278.1 (dövlət hakimiyyətini ələ keçirməyə yönələn əməllər), 274 (dövlətə xəyanət) və 193-1.3.2-ci (cinayət yolu ilə əldə edilmiş əmlakı leqallaşdırma) maddələri ilə ittiham olunur.
