AKİA tərəfindən 2480 kənd təsərrüfatı texnikası və avadanlığının satışı maliyyələşdirildi

Aqrar Kredit və İnkişaf Agentliyi tərəfindən kənd təsərrüfatı texnikası və avadanlıqlarının satışının maliyyələşdirilməsi davam edir. 

Bu barədə TodayPress TV-yə Agentlikdən məlumat verilib.

2025-ci ilin ilk rübündə AKİA tərəfindən 2480 kənd təsərrüfatı texnikası və avadanlıqlarının satışı maliyyələşdirilib. 

Satışı maliyyələşdirilən texnikalar arasında 10 taxılyığan kombayn, 613 traktor, 1857 digər texnika və avadanlıqlar var. 

Qeyd edək ki, kənd təsərrüfatı texnikasının satışı dövlət tərəfindən subsidiyalaşdırılır. 

Fermerlər gömrük dəyərinin 20 faizi həcmində ilkin ödəniş etməklə kənd təsərrüfatı texnikası və avadanlıqlarına sahib ola bilər.

Texnikanın dəyərinin qalan 40 faizi AKİA tərəfindən ödənilir, digər 40 faiz isə banklar tərəfindən 60 ay müddətinə kreditləşdirilir.

Kreditin əsas hissəsini fermer, faizini isə AKİA ödəyir.