Qazlı içkilərlə bağlı alimlərdən XƏBƏRDARLIQ

Mütəxəssislər bildirirlər ki, şəkərlə zəngin içkilərin həddindən artıq və tez-tez istifadəsi uzun müddətdə beyin sağlamlığına mənfi təsir göstərə bilər.

TodayPress TV xəbər verir ki, araşdırmalara görə, qazlı və şirin içkilər qan şəkərinin kəskin yüksəlib-enməsinə səbəb ola, iltihabi prosesləri gücləndirə və beyin sağlamlığı üçün risk yarada bilər.

Bundan əlavə, bu içkilərin çox istifadəsi psixoloji problemlər, depressiya riski və yuxu pozuntuları ilə əlaqələndirilir.

Ekspertlər əlavə şəkər qəbulunu azaltmağı, onun əvəzinə su, şəkərsiz qazlı su, bitki çayları və şəkərsiz digər içkilərə üstünlük verməyi tövsiyə edirlər.